Sero sayri

Rahi woh bidat jo mustahsan umor ke tehat daakhil hai aur woh quran o hadees ke kisi hukum se takrata bhi nahi toh woh mashru , Mubah aur jaaiz hai, usay mehez bidat yani naya kaam honay ki bina par makrooh ya haraam qarar dena kitaab o sunnat ke sath na insafi hai.

zail mein hum jashne milaad alnabi sallallahu alaihi wa-alehe wasalam ki sharai hesiyat aur uss ke fazayal o samrat ke hawalay se Tasawwur bidat ke mukhtalif pehluo par ghhor karen ge. bator khaas is be bunyaad tasawwur ka azaala karen ge ke har woh kaam jo ahad e risalat maab sallallahu alaihi wa-alehe wasalam mein nahi tha aur nah khulfaye rashdin o sahaba karaam razi Allah anhum  ke zamane mein is ka saboot milta hai, usay agar baad mein kya jaye to - qatar nazar achhai ya buraiee ke - woh bidat ( yani naya kaam ) honay ki binaa par kulyatan  najaaiz aur haraam tasawwur hoga. iss khud sakhta tasawwur ko quran o hadees ki roshni mein parakhaa jaye ga aur kitaab wasant ke wazeh dalail se saabit kya jaye ga ke huzoor nabi akram sallallahu alaihi wa-alehe wasalam ke milaad par Farhat o inbisaat ka Izhaar karna aik  mashruh , Mubah aur jaaiz amal hai .