Sero sayri

TOHFA-A-EID PART 4
=================
HADITH
======
IBN-A-MAJA ABU UMAMA RADI ALLAHU TA`ALA ANHU se rawi ke RASOOL ALLAH SALLALLAHU TA`ALA ALAIHI WA SALLAM farmate hai jo eidain ki raato me qiyaam kare uska dil na marega jis din logo ke dil marege.

HADITH
======
ASBAHAANI MAA`AZ IBN-A-JABAL RADI ALLAHU TA`ALA ANHUM se rawi ke farmate hai jo 5 rato me shab bedaari kare uske liye jannat wajib hai ZILHIJJA ki aathvi raat (8),nawi(9),dasvi(10) rate aur EIDUL FITR ki raat aur SHABAAN ki 15 yani SHAB-A-BARAAT

MASLA
======
EIDAIN ki NAMAZ wajib hai magar sab per nahi balki unhi per jin per JUMA wajib hai aur iski ada ki wahi shart hai jo JUME ke liye hai sirf itna farq hai ke JUME me KHUTBA shart hai aur EIDAIN me SUNNAT agar JUME me KHUTBA na padha to JUMA na hua aur isme na padha to NAMAZ ho gyi magar bura kiya.dusra farq ye hai ke JUME ka KHUTBA NAMAZ se paihle hai aur EIDAIN ka NAMAZ ke baad agar paihle padh liya to bura kiya magar NAMAZ ho gyi laotayi nahi jayegi aur KHUTBE ko bhi nahi dohraya jayega aur EIDAIN me na AZAAN hai na IQAMAT sirf 2 baar itna kaihne ke ijazat hai AS`SALATU JAAMIAH
Bila wajah EID ki NAMAZ chorna gumrahi wa buri bidat hai.
(BAHAR-A-SHARYAT HISSA 5 SAFA 88)

HADITH
======
ABU DAOOD ANAS RADI ALLAHU TA`ALA ANHU se rawi ke HUZOOR AQDAS SALLALLAHU TA`ALA ALAIHI WA SALLAM jab MADEENE me tashreef laye us zamaane me AHLE MADEENA saal me do din khushi karte the mehargaan(patjhad ka maosam) wa nairoz farmaya ye kiya din hai logo ne arz kiya jahaaliyat me hum in dino me khushi karte the .farmaya ALLAH TA`ALA ne unke badle me in se behtar do din tumhe diye EID-UL-AZHA wa EID-UL-FITR ke din.

MASLA
======
Gaw me EIDAIN ki NAMAZ padhna makroohe taihreemi hai.

MASLA
======
EID ke din ye umoor(kaam) mustahab hai.
1.hajamat banwana
2.Nakhoon tarashwana
3.gusl karna
4.miswaak karna
5.Acche kapde pahenna naya ho to naya warna dhula hua.
6.anghuthi pahenna.
7.khushbu lagana.
8.Subah ki NAMAZ MASJID-A-mohalla me padhna.
9.EIDGAH jald jana
10.NAMAZ se paihle SADKA-A-FITR ada karna.
11.EIDGAH ko paidal jana.
12.Dusre raste se wapas ana
13.NAMAZ ko jane se paihle chand khajoore kha lena 3,5,7 ya kam ya ziyadah magar taaq(be jod) ho, Khjoore na ho to koi mithi chiz kha le NAMAZ se paihle kuch na khaya to gunahgaar na hua magar ISHA tak na khaya itaab kiya jayega.
(BAHAR-A-SHARYAT HISSA4 SAFA 88)

NOTE: uppar jo btaya gai ke Anghuthi pahenna to isme ye masla jaan le ke Mard ko zewar pahenna mutlaqan haraam hai sirf chandi ki ek anghuthi jayez hai jo wazan me ek miskaal yani sadhe chaar masha se kam ho aur sone ki anghuthi bhi haraam hai .

(DURR-A-MUKHTAAR wa RADUUL MUHTAAR)

To be continiued.. .InshaAllah...

apni duao me mujh faqeer ko bhi yaad rakhna..