Sero sayri

Qist-4
"TEHQEEQ RAK'AATE WITR"

Qadyani Deobandi Aur AhleHadees 3no Firqon Ka Angrezo Se Mazboot Rishta E Gulami Raha Hai, Aur Angrez Ne 3no Ko Alag Alag Kaam Sonpe, Deobandi Muqallid Reh Kar Ambiya Wa Auliya Ki Tauheen Karte Rahe, Qadyaniyon Ne New Nabi Bana Dala, Aur Gair MUQALLIDEEN Ne TAQLEED Ka inkar Kiya Aur ijma'ie Masayel Se ikhtelaf Kiya.....

Hindustan Me Jab Tak Angrezi IQTEDAR Raha Gair Muqallideen Ko Har Tarah Ki Aazadi Mazhab Ke Mamle Me Rahi, inho Ne Malikah Victoria Ki Jo Khushamadi Chaplosi Ki Use Padh Kar Har Ba'zameer Shakhs Ki Aankhen Farte Nadamat Se Jhuk Jati Hain, Tarikhe Aalam Me Aisi Chaplosi Aur Aisi Chamcha Geeri Shayed Hi Kisi Ne Ki Ho, Lekin Afsos Gair Muqallid Hazraat Apne Akaabir Aur Buzurgon Ke is Karname Par Fakhr Mehsoos Karte Hain Balki ise Apni Kitabo Me Tak Chhap Diya...........

"KHUDA JAB DEEN LETA HAI, TO AQLE'N CHHEEN LETA HAI"

Jab Malikah Victoria Ka 50wa Birthday Tha To Ulma AhleHadees Ki Janib Se Jo Sapas Namah Malikah Ko Pesh Hua uski Bas Eik Hi Line Padhiye.

"Ba"huzoor Faize Ganjoor Queen Victoria Grade (گریڈ) Wa Qaisarah E Hind Barakallahu Fee Saltanatiha.
Hum Membrane Giroh AhleHadees Apne Giroh Ke Kul Ashkhaas Ki Taraf Se Huzoore Wala Ki (Queen Victoria Ki) Khidmate Aali Me Jashne Jubilee Ki Dili Masarrat Mubarakbad Pesh Karte Hain.

"Hai Dil Se Ye Dua E AhleHadees, Jashne Jubilee Mubarak Ho.!
[Monthly Magazine, Isha'atusunnah, Volume-9, Shumarah-7, Page-206, Matbua Victoria press Lahor]

Andaza Lagaiye Jab Gulam Aisa Sachcha Pakka Ho To AAQA Ki uspe inayate'n Kyun Na Hogi ?

Angrezo Ki Chaplosi Me Gair Muqallideen Ne Deobandiyon Aur Qadyaniyon Ko Bhi Maat Deni Chahi, Yahi Wajah Thi Ki Angrezo Ne inke Har Jahil Ko Deen Me Har Tarah Ki Dakhal Andazi Ka Pura Pura HAQ Diya, Aur inho Ne Deene Muhammadi (صلی اللہ علیہ وسلم) Ki Surat Ko Maskh Karne Me Koi Kasar Na Chhodi, Har Chiz Me Aasani, Har Amal Me Discount, Karna Shuru Kiya, 3 TALAQ Ko 1 Qarar Dena, 20 Rakat Taraveeh Ko 8-Karna, Murge Aur Ande Ki Qurbani Jayez Qarar Dena, Hawa Nikalne Par Bhi wazu Ke Baaqi Rehne Ka Fatwa Dena, Are Ye To itne Khabees Nikle Ki inse 3 RAKAT WITR Bhi Nahi Padhi Jaane Lagi To Use Bhi 1 Rakat Kar Diya.

Hame To Khadsah Hai Kahi'n Aage Chal Kar Ye Angrezi Mujtahid Namaz Roze Ko Hi Na Khatm Kar De'n, Aur Deen Sirf Zaban Se Kalma Padhne Ka Naam Rakh Den.....

WAJIBUL WITR 3 Rakat Hai 1 Rakat Ki Koi Riwayat Nahi Aaiye Hum is Silsile Me Ahaadees Aur Aasaare Sahaba Pesh Karen Aur 3 Rakat Ka Sahi Aur 1 Rakat Ka Gair Sahi Hona Kitab O Sunnat Ki Roshni Me Jaane'n.

(Mazmoon Jari Hai)
~~~~~~~~~~~~~~~